पं.स कोरेगाव

कोरेगाव तालुका – संक्षिप्त माहिती

१) क्षेत्रफळ

९४,८४० हेक्टर १,२७५ चौ. कि.मी.

२) लोकसंख्या

पुरुष : १,०७,३४३
स्त्रिया : १,०७,८३४

३) तालुक्यातील प्रेक्षणीय स्थळांची थोडक्यात माहिती

जरंडेश्वर पर्वत :
सातारा–कोरेगाव मार्गाच्या मधोमध स्थित असून येथे मारुती मंदिर आहे.
केदारेश्वर मंदिर :
कोरेगाव गावातील शंकराचे भव्य हेमाडपंथी मंदिर. श्रावण महिन्यात येथे यात्रा भरते.
भैरवनाथ मंदिर :
कोरेगाव गावातील जुने हेमाडपंथी मंदिर असून येथे मोठी यात्रा भरते.
कण्हेरखेड :
ग्वाल्हेरच्या शिंदे राजवंशाचे मूळ गाव म्हणून ओळखले जाते.
नांदगिरी किल्ला (कल्याणगड) :
कोरेगावपासून सुमारे १३ कि.मी. अंतरावर स्थित १२व्या शतकातील किल्ला. छत्रपती शिवाजी महाराजांच्या सैन्याने हा किल्ला जिंकला होता.

४) तालुक्याची ऐतिहासिक स्थळांची थोडक्यात माहिती

सातारा जिल्ह्यातील कोरेगाव तालुक्यास समृद्ध ऐतिहासिक वारसा लाभलेला आहे. कण्हेर-खेड (महादजी शिंदेंचे गाव), रहिमतपूर (ब्रिटिशकालीन तालुक्याचे ठिकाण), किन्हई येथील अंबाबाई मंदिर (युनेस्कोने गौरवलेले), तसेच सोळशी गावातील प्राचीन शिवमंदिरे ही स्थळे तालुक्याच्या ऐतिहासिक व सामाजिक महत्त्वावर प्रकाश टाकतात.

प्रमुख ऐतिहासिक स्थळे

कण्हेर-खेड :
ग्वाल्हेरच्या शिंदे घराण्याचे मूळ गाव. शूर सरदार महादजी शिंदे यांचा जन्म येथे झाला असल्याचे मानले जाते.
रहिमतपूर :
ब्रिटिश काळात तालुक्याचे मुख्य ठिकाण. त्या काळातील सर्व शासकीय कार्यालये येथे होती; नंतर प्रशासकीय सोयीसाठी ती कोरेगाव येथे हलविण्यात आली.
किन्हई (अंबाबाई मंदिर) :
युनेस्कोने गौरवलेले प्राचीन मंदिर. धार्मिक व ऐतिहासिक दृष्ट्या अत्यंत महत्त्वाचे ठिकाण.
शनिदेव मंदिर, सोळशी :
कोरेगाव तालुक्यातील प्रसिद्ध शनिदेव मंदिर. दर शनिवारी हजारो भाविक दर्शनासाठी येतात. गगनगिरी महाराजांच्या मठासाठी हे ठिकाण ओळखले जाते. येथे महिलांना प्रवेश नाही तसेच चामड्याच्या वस्तू नेण्यास मनाई आहे. हे मंदिर ‘सोळा शिवलिंग’ म्हणूनही ओळखले जाते व हरळीच्या डोंगराच्या पायथ्याशी वसलेले आहे.