पं.स पाटण

पाटण तालुका – संक्षिप्त माहिती

१) क्षेत्रफळ

१,४०,३६४ हेक्टर

२) लोकसंख्या

एकूण लोकसंख्या : २,९९,५०९
पुरुष लोकसंख्या : १,४५,०७४
स्त्रिया लोकसंख्या : १,५४,४३५

३) तालुक्यातील प्रेक्षणीय स्थळांची थोडक्यात माहिती

कोयना धरण
महाराष्ट्रातील सर्वात मोठ्या धरणांपैकी एक. याचा विस्तीर्ण जलाशय ‘शिवसागर जलाशय’ म्हणून ओळखला जातो.
नेहरू उद्यान
कोयना धरणाजवळ असलेले निसर्गरम्य उद्यान. पर्यटकांसाठी विश्रांतीचे उत्तम ठिकाण.
ओझर्डे धबधबा
पावसाळ्यात प्रवाहित होणारा हा धबधबा पर्यटकांचे आकर्षण ठरतो.
कोयना वन्यजीव अभयारण्य
सह्याद्री पर्वतरांगांमध्ये पसरलेले अभयारण्य, समृद्ध जैवविविधता व निसर्गसौंदर्यासाठी प्रसिद्ध.
चाफळ राम मंदिर
समर्थ रामदास स्वामींनी स्थापन केलेले ऐतिहासिक व धार्मिक महत्त्वाचे मंदिर.
सडा वाघापूर उलटा धबधबा
जोरदार वाऱ्यामुळे पाणी खाली न पडता वरच्या दिशेने उडते. पावसाळ्यात हे दृश्य पाहण्यासाठी मोठी गर्दी होते.
वाल्मिक पठार
याच ठिकाणी वाल्या कोळीने तपश्चर्या करून वाल्मिक ऋषी झाले अशी आख्यायिका आहे. वांग नदीचे उगमस्थानही येथेच आहे.
K2 पॉईंट
कोयना धरणाच्या बॅकवॉटरचे अत्यंत नयनरम्य दृश्य येथे पाहायला मिळते.
धारेश्वर व रुद्रेश्वर महादेव मंदिरे
भगवान शिवांना समर्पित ऐतिहासिक मंदिरे.
दातेगड किल्ला
तलवारीच्या आकाराच्या विहिरीसाठी प्रसिद्ध असलेला किल्ला.

याशिवाय बहुलेश्वर महादेव मंदिर, कोंडावळे धबधबा, घाटमाथा तसेच पावसाळ्यातील अनेक छोटे-मोठे धबधबे व हिरवीगार डोंगरदऱ्या पर्यटकांचे लक्ष वेधून घेतात.

४) तालुक्याची ऐतिहासिक माहिती

बहुलेश्वर व धारेश्वर ही मंदिरे शिलाहार / यादव काळातील मानली जातात.
श्री छत्रपती शिवाजी महाराजांच्या काळात डोंगरदऱ्या व जंगलामुळे हा भाग रणनीतीदृष्ट्या महत्त्वाचा होता.
चाफळ येथे समर्थ रामदास स्वामींच्या कार्यामुळे हा प्रदेश आध्यात्मिक दृष्ट्या प्रसिद्ध झाला.
स्वातंत्र्यलढ्यात पाटण तालुक्याने त्याग व बलिदानाचे मोलाचे योगदान दिले आहे.